Wyddech Chi….

• Fod yfed sudd betys cochion yn lleihau eich pwysau gwaed ac yn chwyddo eich perfformiad corfforol drwy ledu eich llestri gwaed
• Bod anadlu dwfn araf yn cynnau eich system nerfol parasympathetig, gan arafu eich calon, eich tawelu a’i gwneud yn haws i chi fynd i gysgu
• Mai un o’r prif resymau mae merched canol oed yn magu pwysau ydi am nad ydyn nhw’n bwyta digon o brotein; protein ydi’r ysgogwr chwant bwyd yn anad yr un ac mae’r lefelau protein a argymhellir ar hyn o bryd yn rhy isel o lawer, yn enwedig i ferched atal-mislifol
• Eich bod yn mynd yn fwy heini ac yn llosgi mwy o galorïau pan fyddwch yn cerdded i lawr grisiau nag yn cerdded i fyny
• Mai un o’r rhesymau mae dawnsio’n eli i’r galon i ni ydi am ei fod yn peri rhyddhau sylweddau fel canabis yn ein gwaed
• Bod yfed gwin coch yn gallu gwarchod eich calon, lleihau peryg cael diabetes a rhoi hwb i iechyd eich ymysgaroedd.

Astudiodd Michael Athroniaeth, Gwleidyddiaeth ac Economeg yn Rhydychen ac wedyn mynd yn fancer buddsoddi cyn ailhyfforddi’n feddyg yn Royal Free Hospital Llundain. Sylweddolodd nad hyn mo’i bethau ac ymuno â’r BBC yn gynhyrchydd cynorthwyol dan hyfforddiant a dros y chwarter canrif wedyn gwnaeth raglenni dogfen gwyddoniaeth a hanes rhif y gwlith i’r BBC, yn gyntaf y tu ôl i’r camera ac yn fwy diweddar yn gyflwynydd.

Mae Clare yn feddyg teulu ers mwy na deng mlynedd ar hugain ac mae’n ymddiddori’n neilltuol mewn hyrwyddo newidiadau deiet a dull o fyw er mwyn colli pwysau, lleihau siwgr yn y gwaed a gwyrdroi diabetes math dau. Wedi gweld y manteision rhoi’r gorau i gymryd meddyginiaeth i gleifion, yn teimlo’n fwy heini ac iach, yn ogystal â theimlo gwelliannau mewn anhwylderau metabolig perthynol eraill megis clefyd iau brasterog heb fod ynghlwm ag alcohol, gordyndra, lipidau, arthritis, ac anhwylderau llidiol eraill, mae’n frwd dros ymorol bod y rhain ar gael fwy.

Mae Michael yn hen law ar lwyfan, wedi teithio – a mynd â hi – yn 2019 yn ei sioe hit Trust Fast Health a’i gwelodd yn chwalu mythau iechyd cyffredin ac yn cynnig dirnadaeth gyfareddol o deithi’r corff dynol.

A phroblemau iechyd meddwl a chorff ar eu cynnydd, bydd Michael a Clare yn ysbrydoli newidiadau syml i weddnewid eich bywyd, fel y gallwn ni i gyd Fwyta (yn Dda), Cysgu (yn Well), Byw (yn Hwy!)