Queen Extravaganza, band teyrnged swyddogol Queen, a gynhyrchir gan Roger Taylor a Brian May, yn dod yn ei ôl i wledydd Prydain yn 2022, yn dilyn sioeau dan eu sang ym mhedwar ban byd.
Yn 2012 y dechreuodd y band deithio, yn gast treiglol o gerddorion dawnus a ddewiswyd yn bersonol gan Roger Taylor a Brian May. Mae Queen Extravaganza yn adnabyddus ar gorn teithio ar hyd ac ar led yr Unol Daleithiau, Canada, Awstralia, Hong Kong, Brazil ac Ewrop a daeth llond gwlad o gariad a pharch i’w rhan gan eu mintai o selogion sy’n bythol dyfu.Yn y swae o sioe yma mae’r cerddorion dawnus yn chwarae’r gerddoriaeth yn berffaith ac o bryd i’w gilydd yn fwy caboledig na Queen ei hun.
Mae’r sioe awr a hanner yma’n cynnwys mwy nag ugain o glasuron Queen o blith hits mwya’r band: Bohemian Rhapsody, Another One Bites the Dust, Crazy Little Thing Called Love, Under Pressure, We Will Rock You, We Are the Champions, A Kind of Magic, Radio Ga Ga, Somebody to Love a Killer Queen yn ogystal â ffefrynnau eraill y selogion. “It’s our own official tribute band” meddai Roger Taylor.
Ynghyd â ffi postio opsiynol o £1.50.
Am docynnau Hynt, cysylltwch â’r Swyddfa Docynnau ar 07391 791934. Dim ond hyn a hyn o le sydd ar gael – archebwch yn gynnar i osgoi siom.
