DRYSAU'N AGOR 7PM
Datganiad yr Artist
‘Mae’n ddrwg gen i ein bod wedi gorfod gohirio’r daith, ond gwyddom i gyd am yr amgylchiadau, a pheryg pobl yn ymgynnull. Edrychaf ymlaen at gael parti tan gamp gyda chi i gyd yn 2021.
Un Byd, Un Cariad, Billy'
_____________________________________
Yn dilyn ei daith a werthodd bob tocyn yn gynharach eleni, mae eicon Canu’r Enaid Prydain, Billy Ocean, wedi cyhoeddi taith enfawr ar ben y rhaglen yng ngwledydd Prydain yn hydref 2020. Bydd Billy’n perfformio’r goreuon o blith ei hits mwyaf a chaneuon o’i albwm stiwdio newydd, ‘One World’, a ryddheir cyn bo hir yng ngwanwyn 2020.
Billy Ocean ydi’r seren recordio groenddu fwyaf llwyddiannus a gynhyrchodd Prydain erioed, wedi gwerthu dros ddeng miliwn ar hugain o recordiau yn ei oes hyd yn hyn. Daeth llwyddiant rhyfeddol i ran Billy, yn artist ac yn gyfansoddwr caneuon, a chasglodd recordiau Aur a Phlatinwm rhif y gwlith drwy’r byd yn grwn a chyrraedd hicyn rhif un ledled y byd yn y siartiau pop gan gynnwys yr Unol Daleithiau, Awstralia, yr Almaen, yr Iseldiroedd a gwledydd Prydain.
Gwelodd 2016 ryddhau’r albwm ‘Here You Are: The Best Of Billy Ocean’ yng ngwledydd Prydain, a aeth i safle Rhif Pedwar yn siartiau’r Deg Uchaf, yr albwm gan Billy oedd uchaf yn y siartiau ers 1989. Eleni dathlodd Billy bymtheng mlwyddiant ar hugain ei albwm 'Suddenly' oedd yn torri tir newydd. Yn 1984 y rhyddhawyd y record yn wreiddiol ac ohoni deilliodd yr hits ysgubol 'Caribbean Queen (No More Love On The Run)', 'Mystery Lady' a 'Loverboy'. A does dim dau na fydd 2020 yn flwyddyn fawr eto i Billy, yn rhoi tân dani i ryddhau ei albwm newydd y mae mawr edrych ymlaen ato.
A ffi bostio opsiynol o £1.50 i docynnau gael eu postio.
Am docynnau Hynt, cysylltwch â’r Swyddfa Docynnau ar 07391 791934. Dim ond hyn a hyn o le sydd ar gael – archebwch yn gynnar i osgoi siom.
