Brìghde Chaimbeul - WEDI'I GANSLO

Mae’r canwr pibau bychain o’r Alban, Brìghde Chaimbeul, ar flaen y gad ym maes cerddoriaeth Geltaidd arbrofol. Mae ei chanu pibau wedi ennill iddi Wobr Gwerin Ifanc y BBC a Gwobr Horizon y BBC a pherfformiodd i benaethiaid gwladwriaethau yng nghynhadledd hinsawdd Cop26. Daeth â’i hofferyn i lwyfan byd-eang a chydweithio ag amrywiaeth o artistiaid eraill – ar hyn o bryd mae i’w chlywed ar sengl newydd Caroline Polachek Blood and Butter. Yn ei hail albwm Carry Them With Us, aeth Chaimbeul y tu hwnt i ganu gwerin a darganfod man cyfarfod traddodiad a lleiafsymiaeth, gyda rhoi iddi’r rhyddid i arbrofi â sain a chreu rhywbeth cwbwl briod iddi’i hun. Cydwead llawenychol ydi Carry Them With Us, yn ddronau gweadol soniarus, awyrgylchoedd llesmair a thraddodiadau gwerin offerynnol. Yn gwmni iddi ar yr album yma mae’r chwiliwr sain a’r sacsoffonydd mawr ei glod o Ganada, Colin Stetson (Arcade Fire, Bon Iver), a gydgynhyrchodd yr albwm hefyd.

Brodor o’r Ynys Hir, Gaeleg ei mamiaith, ydi Brìghde a gwreiddiau'i harddull yn ei hiaith a’i diwylliant, ond fe’i hysbrydolir gan nifer o draddodiadau canu’r pibau o bedwar ban byd, megis Dwyrain Ewrop, Cape Breton ac Iwerddon. Cafodd ei halbwm début The Reeling (2019) andros o ymateb. Aidan O’Rourke (Lau) a’i cynhyrchodd, fe’i henwyd yn Albwm Gwerin y Mis gan The Guardian, cafodd adolygiadau pum seren yn fRoots a Songlines ill dau, fe’i canmolwyd i’r cymylau ar Late Junction BBC Radio 3 ac fe’i rhestrwyd yn un o Albymau’r Flwyddyn The Quietus. Bwriwyd pleidlais dros The Reeling yn un o Ugain Albwm Albanaidd y Flwyddyn gan Wobrau Say (o blith 293 o gynigion) a bachodd Wobr Gwerin BBC Radio 2 i Brìghde.

“Simultaneously ancient and modern, profound and direct”– 
Folk Album of the Month – The Guardian

“A unique, exciting and forward-looking album that sets the bar for 2019 very high indeed”–  The Quietus

“Exciting, unusual and gorgeous”– Songlines

“Pure, vital energy… exceptional playing”– Folk Radio

“Mesmerising” - Mark Radcliffe, BBC Radio 2